Sunday, August 16, 2009

'मलाई मदनले पनि बोक्नुहुन्थ्यो'

जनक नेपाल

गुलरिया, 'अध्यक्ष कमरेड, असार १५ गते कार्यकर्ताको बुई चढेको कुरा के हो ?' कार्यकर्ताका प्रश्न एमाले अध्यक्ष झलनाथ खनालतिर सोझिए । तनहुँमा कार्यकर्ताको बुई चढेर खोला तरेको तस्बिरबारे सोधिएको लिखित प्रश्न पढेपछि उनी गम्भीर देखिए । र, नरम हुँदै भने, 'कमरेडहरू, त्यो रहरले

होइन । मेरो बाध्यता हो ।'

खनाल साउन २६ गते एमाले भेरी अञ्चलस्तरीय अगुवा कार्यकर्ताहरूलाई गुलरियामा प्रशिक्षण दिँदै थिए । कार्यकर्ताको बुई चढ्नुपर्ने बाध्यता प्रस्ट्याउन ३६ वर्षअघिको प्रसंग कोट्याएर रहस्य खोल्न सुरु

गरे उनले ।

'मलाई टीबी -क्षयरोग) लागेको थियो । स्वास्थ्यकर्मीले नियमित सुई लगाउँथे । लामो समय सुई लगाउनुपर्ने भएकाले आफैंले सुई लगाउन सिकेको थिएँ । ठीक त्यसैबेला म जेल परें,' नियमित स्वास्थ्य जाँच नगराई जेलभित्र बस्दा पनि लगातार

सुई लगाएकाले साइट इफेक्ट

भई सिकिस्त भएको खनालले

बताए । आँखा र कान हुँदै भित्री अंगसम्म असर परेकाले उज्यालोबिना चल्नै नसक्ने भएको उनले खुलासा गरे ।

खनाल अँध्यारोमा हिँड्डुल गर्न सक्दैनन् रे । 'साँझ परेपछि अपांग जस्तै हुन्छु,' सीधा मात्र हिँड्न सक्ने उल्लेख गर्दै उनले भने, 'खेतको आलीमा हिँड्न र चिप्लो खोला तर्न सक्दिनँ । अरूको सहारा चाहिन्छ ।'

भूमिगतकालमा उक्त रोगबाट धेरै दुःख पाएको उनले स्मरण गरे । पूर्वमहासचिव मदन भण्डारीले समेत आफूलाई बोकेको सम्झँदै उनले भने, 'दिनभर संगठनका काममा व्यस्त हुनुपथ्र्याे । रात परेपछि म हिँड्न सक्दैनथंे । मदन कमरेडले दुई/तीन पटक उकालो/ओरालो बोकेर 'सेल्टर' सम्म पुर्‍याउनु भएको छ ।'

नेपाली मिडियाले एमालेलाई कम स्थान दिइरहेको टिप्पणी गर्दै पार्टीका छुट्टै सञ्चारमाध्यम खोल्ने गृहकार्य भइरहेको समेत खनालले बताए । 'एक वर्षभित्र पार्टीका छुट्टै रेडियो, टेलिभिजन र दैनिक पत्रिका आउने छन्,' उनले सुनाए ।

प्रश्नहरू खनाल आफैंले पढ्दै जवाफ फर्काएका थिए । प्रश्न पार्टीभित्र मौलाएको गुटबन्दी र एउटा गुटको अगुवाइ अध्यक्षले गरेको आरोपका पनि थिए । 'मेरो कुनै गुट छैन,' अलि उत्तेजित देखिएका खनालले जवाफ फर्काए, 'मैले गुटबन्दी गरेको पुष्टि गर्नुहुन्छ भने जस्तोसुकै कारबाही भोग्न तयार छु ।'kantipur

No comments:

Post a Comment