पाटनढोका नजिकैको चण्डी विद्याश्रम माविमा ४० बर्षदेखि लगातार दुई सिफ्ट पढाइ हुँदै आएको छ। बिहान ६ देखि ११ बजेसम्म निमावि र मावि तहको पढाइ हुन्छ। बिहानको सिफ्ट सकिएपछि साँझ ५ बजेसम्म प्रावि तहको कक्षा चल्छ।
नयाँ भवनमा पनि प्रशस्त कोठा नभएकाले एकै सिफ्टमा कक्षा चलाउन सकिएको छैन। सात कोठामध्ये दुई वटामा कार्यालय र भण्डार छन्। बाँकी पाँच कोठामा बिहान र दिउँसो पालैपालो गरी प्रावि र निमावि-माविको पढाइ हुन्छ।
दुई सिफ्टमा हुने पढाइ नै चण्डी विद्याश्रमको शैक्षिक गुणस्तर खस्किनुको मुख्य कारण भएको निचोड शिक्षकहरुको छ। एउटै सिफ्टमा पढाइ सञ्चालन गर्न नसकेसम्म हाम्रो पढाइको स्तर उँभो लाग्दैन,' शिक्षक माधव रिसाल भन्छन्।
दुई सिफ्टको व्यवस्थाले कसरी पढाइ बिगारेको छ त ? सम्भवतः शिक्षिका सरिता श्रेष्ठको अनुभवले यसको सबैभन्दा राम्रो जवाफ दिन्छ। धेरै विद्यार्थीले सरिताको गृहकार्य गर्दैनन्। प्रायः सबैको एउटै कारण हुन्छः भ्याउँदै भ्याइएन।
कुनै बेला पाटन क्षेत्रकै नामी विद्यालय मानिने चण्डी विद्याश्रमको एसएलसी नतिजा यस बर्ष ँनिल' रह्यो। ५७ विद्यार्थीले एसएलसी दिएकामा कोही उत्तीर्ण हुन सकेनन्। झण्डै ३५ विद्यार्थीले त पूरक परीक्षाको अवसर पनि पाएनन्।
अघिल्लो बर्षको नतिजा पनि चित्तबुभ\mदो थिएन। धेरै विद्यार्थी ँटेस्ट' परीक्षामै अनुत्तीर्ण भएकाले ७ जनाले मात्रै एसएलसीमा सहभागी हुने अवसर पाएका थिए। तर, तर तीमध्ये पनि झण्डै आधाजसो अनुत्तीर्ण भए।
तर, चण्डी विद्याश्रमका शिक्षकहरू विद्यालयको माथमा लागेको दाग मेट्नतर्फ अग्रसर भएको देखिँदैन। ँनिल' नतिजापछि उनीहरुले वैठक बसे पनि अर्को बर्ष राम्रो नतिजा ल्याउने कुनै ठोस योजना बनाएका छैनन्। शिक्षकहरू प्रधानाध्यापक ँअक्षम' भएको आरोप लाउँदै नयाँ नेतृत्वले मात्रै सुधार गर्नसक्ने बताउँछन्।
निमित्त प्रधानाध्यापक अमात्य भने आफूसँग पूर्ण अधिकार नरहेकोले धेरै अपेक्षा गर्न नमिल्ने बताउँछन्। ँचार बर्षअघि मलाई ६ महिनाभित्र प्रधानाध्यापक बनाउने गरी निमित्त बनाइएको थियो,' उनी भन्छन्, ँअझै निमित्त छु, यस्तोमा के गर्नु ?'
विद्यालयका केही शिक्षकको अर्कै नोकरी र व्यवसाय पनि छ। तर, अमात्य आफूलाई केही थाहा नभएको बताउँछन्। भन्छन्, ँथाहा नै पाएँ पनि के गर्न सक्छु र ? म त निमित्त न हुँ, कुनै शिक्षकलाई केही भन्ने अधिकार मसँग छैन।'
No comments:
Post a Comment